韓國必買2019 護膚品化妝品
韓國呢個地方無論男女都好多人想去嘅，但對於女仔來講，想去嘅指數更高！因為韓國可以話係女仔嘅購物天堂，除咗有好多護膚品、化妝品、食物等等嘅選擇外，最緊要就係有得睇oppa同試下著韓服，諗起就興奮啊...不過去到韓國總有幾樣野一定要買，就係下面幾款啦！
九本草 晚霜
呢隻有分日霜同晚霜，不過太貴啦，所以只係試咗款晚霜，因為晚霜可以當埋日霜用（個sales講），裡面嘅成分包含九種珍貴韓方提取成份（鹿茸、五加皮、當歸、沉香、冬蟲夏草、山茱萸、天門冬、魚腥草和紅蔘，），係爽膚水、面部精華、晚霜、眼部精華、眼霜和面膜等全效合一的多功能面霜，可以高效改善皮膚底層膚質。即係話你懶嘅話，基本上一到夜晚只需要搽佢就可以直接去訓覺，可以慳返好多時間，尤其平時夜返屋企想沖完涼就訓嘅時候，可以省略好多步驟，會比逐樣逐樣分開搽快至少三分一時間！
A’PIEU積雪草安瓶
成分好天然，裡面係滿滿嘅積雪草萃取，適合所有膚質的朋友使用。質地如水般清爽，可以舒緩同鎮定肌膚，也唔會覺得痴粒粒，容易吸收，好溫和唔刺激（朋友係敏感肌都用得）。已經用緊第二樽，就來埋第三樽！
16 Brand Sixteen 眼影盤
雙色/多色都咁靚，粉質細膩，唔飛粉，妝容持久，無論係日常妝，約會妝，煙熏妝，咩妝都適合使用。不過雙色就好可以好快出門，平時返工趕時間用佢，放假約會嗰啲就用多色盤。
MEDIHEAL Bio 面膜
保濕力強，唔痴粒粒，面膜質地係生物纖維，透氣舒服同好貼服，面膜入面d精華量岩岩好。敷完感覺皮膚水潤咗，膚色都好似白咗少少，第二日起身都覺得唔乾燥。
衫褲鞋襪
衫褲襪（明洞）：好似香港嘅旺中，但佢地d質地好好，同埋好平，可能你會話淘寶都好平同啲質地都ok，但好認真講句，摸落手，韓國嘅係舒服好多！
鞋（大型商場）：睇你想買邊款，因為有d款或者某隻色得韓國至有。另外有d香港有嘅款，韓國埋係會平d，仲可以扣埋稅！
食物
其實好多好味嘅韓國美食係香港都有得買，無論即食麵/零食/飲品香港都有。我仲記得第一次去嘅時候買咗好多返來，辛辛苦苦咁係韓國空運返來嘅食物，點知某日行樓下百佳/惠康見到佢地係有賣嘅，仲要價錢相差唔遠，唔太值得買咁多野食返來。
呢幾款我最like
奉勸一句：要買到爆喼來填補心靈空虛嘅話買護膚/化妝品，加衫褲鞋就ok，食物真係唔太建議！如果真係要買，少少就好…
Tag：
韓國, 韓國2019, 九本草, 晚霜, A’PIEU, 積雪草, 16 Brand Sixteen, 眼影盤, MEDIHEAL Bio, 韓國面膜,
文章標籤
全站熱搜
